أنا وخيالي - شعر-

بسم الله الرحمن الرحيم

بصراحه أنا كاتب الموضوع ده من قبل إمتحانات التيرم الأول بيوم بس كنت مكسل أكتبوا وهو قصيده عاميه كده على قد حالي بس ربنا يستر ومحدش يجبلي عيش وحلاوة بعدها ده حتى الحلاوة غليت !!!!

أنا كنت قاعد مره في حالــــــــي

قلت لمــــا أسرح بخيالــــــــــي

خيالي قاللي سيبك منــــــــــــــي

قلتله مالك بس يا عمـــــــــــــي

قاللي الدنيا بقت غــــــــــــــداره

والسرحان بقى فيها خســـــــاره

قلت له لأ دي الدنيا بخــــــــــــير

قاللي نعم؟ قلت له بخـــــــــــــير

قاللي لأنك لسه صـغـــــــــــــــير

لسه ماشفتش دنيا تحـــــــــــــير

لسه ماشفتش واحد بــــــــــــــاع

كل مبادئه في لحظه وضــــــاع

لسه ماشفتش بلد الخـــــــــــــــير

خير أولادها راح للغــــــــــــــير

قلت له عندك إلا بــــــــــــــلادي

قاللي بلادك هي بـــــــــــــــلادي

بس الحق لازم يتقــــــــــــــــــال

إن بلادنا ماشية شمــــــــــــــــال

الكل ماشي غلط وبراحـــــــــــته

مش بيهمه غير مصلحــــــــــــته

مش بيخاف من أي قانـــــــــــون

ولا مســـــئول ولا دستـــــــــــور

أصل حصانته شايلها في جيــــبه

ولما يعوزهـــــا يجيبها تفـــــــيده

والغلبان بيعيش غلبــــــــــــــــان

ولما يموت هيموت غلبـــــــــــان

قلتله يا خيالي بس كفايـــــــــــــه

غيّر وإحكي أي حكايـــــــــــــــه

قاللي أحكيلك حكاية المــــــــــال؟

واللي عمله مع الإنســــــــــــــــان

قلتله لأ مش عايز أسمـــــــــــــــع

أسكت بقى يا خيالي وإخلــــــــــع

وكتبه /

مصطفى أبوزيد

ليلة الثلاثاء 26 /2/2008

حامدا الله تعالى ومصليا على نبينا صلى الله عليه وآله وسلم