الناس الغلابة

" ده أنا غلبااااان " قالها عادل إمام مازحا في أشهر ما قدم على المسرح و انتزع ضحكات مصر و العالم العربي على مر ثلاثة عقود

أما الغلابة الحقيقيون فإنهم يعيشون هنا و هناك ، بيني و بينك ، أحيانا تعرفهم من سيماهم ، الغُلب على وشهم بعيد عنك و أحيانا تحسبهم أغنياء من التعفف .

في إحدى ليالي ديسمبر الباردة قضيت بعض الوقت مع صديق لي و تناولنا العشاء في إحدى كافيهات شارع الهرم ، إفترقنا بعدها كل إلى بيته كانت الساعة الحادية و النصف ، قررت أن أتمشى إلى المنزل بدلا من الركوب ممارسا هواية المشي في الجو البارد
و على الرصيف رأيته ، طفل يبيع المناديل لم أندهش أصلا لأني أراهم عشرات المرات في كل يوم ، أما هذا الطفل فكان شيئا خاصا جدا ، كان يضع أمامه علب المناديل و جلس متربعا كالكاتب المصري القديم على جدران المعابد ، و على رجله اليمنى كتاب مدرسي عرفت من الوهلة الأولى أنه كتاب رياضيات ، و على الرجل الثانية وضع كراسة و أمسك بقلم و مسطرة و يبدوا أنه يحل تمرينا أمامه.

كان هذا هو المشهد كاملا ، واصلت مسيري و لم يفارقني المشهد ، هذا الطفل الذي يبيع المناديل للمارة و في نفس الوقت يذاكر دروسه.

تمنيت أن أقابل ولي أمر هذا الطفل و أصفعه على وجهه ، ثم فكرت ربما هو محتاج فعلا لهذه الجنيهات التي يكسبها هذا الطفل المسكين ، تمنيت لو أنني صفعت الرئيس و الوزراء على وجوههم ، هؤلاء هم الناس الغلابة ، هؤلاء من هم تحت خط الفقر ، و أنا المهندس الناجح عائد لتوي من عشاء فاخر إلى فراش وثير لأنام هانئا ، إختلط كل شيء برأسي ، ضاعت لذة التمشي في البرد ، أصابني دوار ، أشرت بيدي لأول تاكسي ثم إلى منزلي.

لم أنم ليلتها كما ينبغي ، و الليالي التي تبعتها ، و حتى الان لم أنسى هذا المشهد ، تعمدت المرور من نفس المكان في الايام التالية  و لكنني لم أجد الطفل ، لا أدري لماذا كنت أبحث عنه ، هل لأساعده ، أم لأذكر نفسي به دائما.

هذا مثال بسيط من الناس الغلابة التي تعيش في هذه البلاد ، هؤلاء الناس لا يهمهم إن كانت الإنتخابات بالنظام الفردي او بنظام القائمة النسبية ، لا يعنيهم إن كانت مدة الرئاسة محددة أو مفتوحة ، بقاء قانون الطوارئ أو إلغائه ليس من أولويات تفكيرهم أصلا.

السياسة كلها هراء في أعينهم ، لا يهمهم سوى لقمة العيش.

أما نحن فلا نشعر بهؤلاء الناس اللي في خطبنا و نقاشاتنا ، نكرر كلمة محدود الدخل ألف مرة في اليوم و لا نسعى لحل مشكلته ، و نذكر أن نسبة كذا تحت خط الفقر و نزين الكلام و لا نكف عن اللف و الدوران بلا طائل.

يقول الأستاذ بهاء طاهر في روايته واحة الغروب " الحقيقة بسيطة لا تحتاج إلى زخرفة الكلمات "

الحقيقة واضحة جدا ، أننا لنا دنيا نعيشها هانئين في مسكننا و مأكلنا و مشربنا و وضعنا الإجتماعي بعيدا جدا عن دنيا المهمشين و الغلابة و من هم تحت خط الفقر ، ثم ينتابنا الفزع عند إنتشار الجريمة و البلطجة و العناصر الخارجة عن القانون ، و نقول بإيمان شديد " الناس دي هتروح من ربنا فين " و أي دين يعرفه هؤلاء الناس و نحن  يا أصحاب  الفضيلة و الدين و الدعوة المستجابة تناسيناه حتى أضحى عنصر فاسد في المجتمع.

أيها الباحثون عند دولة متقدمة ، قبل أن تحلموا بها ضيقوا الفجوة بين الناس المستريحة و الناس الغلابة.

و لا تنسوا قول الله " ثم لتسئلن يومئذ عن النعيم "

مصطفى أبوزيد | 22 مايو 2011

إحنا بتوع الحضاره

السلام عليكم

النهارده هنكتب بالفصحى تاني

الموضوع انا كاتبه من بدري

وكنت ناشره في مسابقة اكتب اللي كانت عاملاها جوجل

بس انا مكملتش فيها لاني مكنتش فاضي

الموضوع جد شويه

بيتكلم عن حضارة الفراعنه اللي ما استفادناش منها حاجه

في مستقبلنا وان الناس فخوره بيها بدون فايده

انا عدلت فيها شويه

إقروه للآخر ورأيكم كالعاده يهمني
-----------------------------------------------------------
إحنا بتوع الحضاره

لم يعتقد يوما احد الفراعنه القدماء ان يصبح حديث العالم كله في يوم من الايام بعد موته

فقد اعتقد بعد موته انه سيخلد في النعيم او العقاب

ولو أن ملكا فرعونيا من الذين ملئت صورهم وتماثيلهم العالم قد انتقل الى المستقبل

ورأى مدى انبهار العالم كله بحضارته لعاد الى زمنه واستبسل في فعل المزيد من الابداع

ولكنه حين فعل هذا لم يفعله من اجل ان يكون حضاره

وانما من اجل ان يخلد فيه بعد موته

ولما مرت السنوات بالألاف وبدأ الناس يستخرجوا كنوز هذه الحضاره

انبهر العالم كله عن بكرة ابيه

وتدلت شفاه الكثيرين للأسفل من فرط الدهشه والذهول غير مصدقين لما يسمعوا او يروا

وعلى الجانب الآخر وقف المصري ليشعر بمزيج من الفخر و السعاده والزهو

لأن اصحاب هذه الحضارة الباهره هم اجداده القدماء

ولم يكد يمر يوم وراء الاخر حتى نكتشف ان الفراعنة هم اول من فعلو كذا وكذا

وهم اول من فكروا في كذا وكذا حتى انهم اول من اعتقدوا في وجود اله يعبد

حتى ظننت والله ان احدا سيخرج علينا يوما ويخبرنا ان الفراعنة هم اول من لعبو كأس العالم

وانهم اول من لعب البلاي استيشن وانهم اول من استخدم الكمبيوتر في الكشف على العين

ألست تعتقد هذا من هول ما سمعت عنهم ؟؟

ولكن السؤال الذي يطرح نفسه بإلحاح

بعد كل هذا الفخر والزهو أين يكمن ابناء اعظم حضارة الان ؟؟

لو ان الفراعنة قد برعوا في الطب وهذه حقيقه

فلتنظر بعين الحسرة الى الطب الان في بلد الفراعنة - مصر - انظر الى اين وصل

انظر الى هذه المستشفى وتلك العياده لترى مدى الاهمال والتراجع

انظر الى ثقة الجماهير التى تضائلت بشده في اطبائهم بل في وزير الصحة نفسه

ولو ان الفراعنة قد برعوا في الحساب والهندسة

فحدث ولا حرج عن العمارات التي سقطت فوق رؤوس اصحابها في زمننا هذا

وانظر لهذا الطريق الذي انهار فجأه بل وانظر الى الشوارع التي لا يمر يوم والثاني

الا وتجد اعمال الحفر فيها قد أتت على الأخضر واليابس

وحتى لا اطيل عليكم فلتقارنوا بين كل ما برع فيه الفراعنة من علوم

وبين ما وصل اليه هذا العلم في وقتنا هذا في مصر

حتى لو خرج علينا أحدهم وقال أن الفراعنة هم اول من لعب كرة القدم

فقد فشلنا ان نصل لكأس العالم منذ عشرون عاما

وبعد كل هذا ايها الساده نجد من يظل يردد ويفخر ويهلل بان اجداده الفراعنه قد فعلو الافاعيل العظيمه

ويردد الجملة التي شب عليها الصغير ومات عليه الكبير

" إحنا حضارة سبعة الاف سنه "

عن اي حضارة تتحدث وانت الذي فشلت ان تصل الى عشر معشار ما صنعوا ؟

انا كشخص اشعر بعكس هؤلاء تماما

أشعر بكثير من الخزي والخجل ان اجدادي من سبعة الاف عام قد نوروا الدنيا بعلومهم

واننا الان وقد اوتينا من العلم والتكنولوجيا والوسائل قد فشلنا ان نكون وطنا ودوله مؤثره

بل اننا اصبحنا من العالم الثالث

وتركنا دولا لا تساوي في حساب التاريخ شيئا تتحكم في مصائرنا وحتى لقمة عيشنا

واني لأدعوكم ان تنظروا الى اكبر دولة في العالم التي تتحكم في مصائر الشعوب

انظروا يا من تتشدقوا بالحضاره الى تاريخ امريكا .. اين كانت هذه الدوله قبل 400 عام ؟

لم تكن موجوده أصلا والن أصبحت تتحكم في مصائر الشعوب

لست هنا اليوم لأفرض واقعا من التشاؤم

ولا لأقلل من إبداع أجدادنا منقطع النظير

ولكني أشعر بخيبة أمل كبيره أننا ضيعنا هذه الرياده

وبدلا من ان نحافظ على سيادتنا للأمم

تراجعنا لنبقى في ركاب الدوله الناميه

يا من تقف عند اطلال هذه الحضاره وافخر بها

ولا تسعى لأن تعيد هذا المجد من جديد

ألا يدعوك هذا لتشعر بالخجل من نفسك ؟

ماذا قدمت لك الحضارة اذا لم تستفد منها لتبني مستقبلك؟

تبا لهذا التاريخ الطويل الذي يجعلك تقف مكانك لمئات السنين والدنيا كلها تجري من حولك

لماذا فشلنا ان نبني مستقبلا باهرا لاوطاننا ؟

لقد غابت ضمائرنا وتواضعت همتنا وفقدنا الطموح

واصبحنا نختلق لأنفسنا الصعاب والمشاكل والعراقيل حتى اسودت الدنيا في وجوهنا

فترى الطفل يولد وقد ولدت معه سلبيته وتخاذله وهوانه

فيشب ويكبر ويموت ولا يقدم شيئا لنفسه او وطنه

ويفشل حتى في ان يخرج ابنه صالحا فيفعل شيئا صالحا

ان ما نحن فيه الان انما هو اخطاؤنا و اخطاء اجيال قد تراكمت

فصنعت جبال العراقيل امامنا.. سلبيتنا وسلبية اجيال قبلنا

وبعد كل هذا لازلنا نتشدق بحضارة سبعة الاف سنه

بالله عليكم هل استفدنا من هذه الحضارة شيئا ينفعنا في مستقبلنا

هل استلهمنا من نجاحهم شيئا ليصنع نجاحنا ؟؟

ولا تحدثوني عن دورها في اثراء السياحه فنصف آثارنا منهوبة منا وتتزين بها المتاحف في اوروبا

وقد دفعني هذا يوما الى التساؤل

" من يشتري هرما ويعطينا عشرة اعوام من التقدم والإذدهار ؟ "

أيها الساده

" إن التاريخ لا يصنع الرجال و إنما الرجال هم من يصنعوا التاريخ "

إنتهى الكلام

بالله عليكم ده منظر؟

كان بيرضع إزاي بدقنه دي؟

هههههههههههههههه

مصطفى أبوزيد - 11/6/2009

تناقض

تنــــــــــاقض

-------------

إن التناقض في آراء الواحد منا ليس أمرا محمودا

فمثلا الواحد منا يتلون في الآراء هذا يسمى تناقض

والثبات على المبادئ والاراء دون الانحراف من اجل الاهواء الشخصيه

هي نعم صفات الرجال

ولكن هناك تناقضا آخر – ليس تناقضا مذموما

وإنما في الغالب يسيطر على الكثيرين منا

ربما يسيطر عليك أنت او عليكِ أنتِ الآن

إنه التناقض في المشاعر

حالة غريبه أعيشها هذه الأيام

تاره أكون في قمة الرضا عن نفسي

وبعدها بساعه أشعر بأني لا قيمة لي ولم أحقق أي شيئ يذكر في حياتي

أحيانا أشعر بأني ملاك طاهر

و أخرى أشعر بأني أسوأ شيطان على الإطلاق

كثيرا ما يسيطر عليا الشعور بالثقه في النفس

ثقه لا حدود لها – ثبات نفسي وقوة ذهنيه رائعه

و أحيانا تخبط وقلق وتشتت بلا داعي

و الحق أني لست أملك سببا واحدا لكل هذا التناقض

حاليا اعيش حالة قلق ليس لها تفسير ولا اي داعي

وفشلت في الخروج منها

----------
وماذا عنكم ؟؟

هل تملكون ايضا هذا التناقض النفسي

أم انني اعاني وحدي منه

هل تملكون حلولا للخروج منه؟

و أيضا هل تحملون أسبابا له؟

أدعوكم للنقاش إن أحببتم

----
كنت قد اخبرتكم في التدوينة السابقه انني عدت لكتابة الشعر من جديد

ورغم أني اكتب هذا الموضوع بالفصحى

ولا ادري ما الذي دفعني لأكتب بها للمرة الثانيه على التوالي

إلا أني سأعرض لكم شعرا عاميا

ربما يمثل حالتي المتناقضه

***

قدام مراية نفسي وقفت أتأمل

ماشي حياتي صح ؟ ولا بأتسلل؟

أقف أراجع نفسي ولا أمشي وأكمل؟

بين السؤال والتاني مقدرتش اتحمل

أصل اللي في المرايه كان صعب يتحلل

******************

دمتم بخير

مصطفى أبوزيد – 28 مايو 2009

مهندسه ... ولكن

بسم الله الرحمن الرحيم

أعزائي المشاهدين

مصطفى أبوزيد يحييكم من مسقط رأسه ديروط

صلو ع النبي يا رجاله

صلو ع النبي يا بنات

والله انتو اتحسدتوا

الموضوع اللي فات بتاع ميكانيكا بتاعتنا مش بتاعتكم

ببساطة شديده

أنا كنت بعمل مقارنه بين أوائل الدفعات السلبيين اللي ملهمش في العملي

وبين الطلبه العاديين اللي ليهم في العملي

الكلام ده خاص فقط بميكانيكا أسيوط

معملتش مقارنه بين اولاد ولا بنات

الموضوع فجأه بدون مقدمات اتقلب حمله قوميه للدفاع عن المرأه

وسط هجوم شديد من الولاد ع البنات

والبنات مسكتوش قامت الزائره اللي بتوقع بإسم المهندسههههههه

بالرد المفصل علينا واحد واحد وشنت هجوم ع الاولاد

وإتهمتني انا شخصيا إني ولعتها

ده أنا غلبان يا شيخه

------

صلو ع النبي تاني

وهدوا اعصابكم

لمون هنا يا بني للباشمهندسه

وهات شاي للرجاله

مالكم بس قلبتوا الموضوع ولاد وبنات

انا مكنش قصدي كده خالص

فهمتوا يارجاله ؟

فهمت يا شبوره انت ومحمد جابر وخليفه ؟

فهمتو يا بنات

فهمتي يا باشمهندسه انتي والفراشه

------------------------------------

لفت نظري بقى شيء مهم وانتوا اللي فتح عنيا ع الموضوع ده

رغم ان نظري ضعيف

ايه الأقسام اللي تنفع في هندسه للبنات ؟

ومفيش واحده تقوللي كله ينفع

وما اسمعش واد يقول البنات ملهمش هندسه

-----

بصوا بقى

بالنسبه للبنات انا عايز اقول حاجه

المرأه ملكة متوجه والنساء شقائق الرجال

واللي بيقول المرأه نصف المجتمع ده غلطان

لأ .. المرأه الصالحه هي كل المجتمع

واللي بيميز المرأه هو أنوثتها ومشاعرها وحياءها وطيبتها

وده اللي بيخلي الرجل محتاج للمرأه في حياته

مين عندها انوثه وطيبه وحنان ومشاعر وتقف في ورشه بالساعات

وتزعق في عمال وتتحمل ضغوط الشغل لمهندس الميكانيكا مثلا

مين البنت الهاديه الاموره اللي هتشتغل مهندسه مدنيه

وتقف في موقع تحت الشمس وسط العمال والرمل والزلط

وتتعامل مع مقاولين وكذا وكذا

انا شخصيا مش هاكون فخور لو زوجتي بتشتغل مهندسة ميكانيكا او مهندسه مدني

لأنها هترجع م الشغل زيي .. نفس الضيق والضغوط والمشاكل

ساعتها هأكون مجوز واحد صاحبي

اما البنت لو مهندسه معماريه

يا سلااام يا جدعان

شوف هتشتغل ايه

التكييف شغال .. قاعده ع الكمبيوتر

مشغله حاجه تسمعها .. جنبها كوباية عصير فراوله

وبترسم ع الكمبيوتر

الله عليكي

مهندسه معماريه فعلا

مش زيت وشحم ورمل وزلط

ده انا لو وقفت ساعتين في الشمس هيغمى عليا

ليه دايما البنات بتصر انها تكون في مكان مش مكانها ؟

ليه عايزه تكوني زي الرجاله ؟

لما بتقولو البنت مش كمالة عدد ده مش معناه

انكم تعملو كل حاجه الرجاله بيعملوها

طب ما تدخلو الجيش احسن

ليه عايزه تتنازلي عن عرشك.. ليه عايزه تشيلي التاج من على راسك؟؟

المجتمع محتاج طبيبه مسلمه شاطره

علشان اخواتنا يكشفوا عندها بدل ما تكشف عند راجل

محتاجين معلمات حنينين يقدروا يعلموا الولاد الصغيرين في المدارس

بدل المدرسين الرجاله اللي بيضربوا الأطفال بالشلاليت

محتاجين ممرضه حنينه تكون فعلا ملاك رحمه مش ممرض حيوان بيضرب العيانيين

المجتمع مش محتاج مهندسه ميكانيكا ولا مهندسه مدني تقف طول النهار في الشمس

هتبقوا كل المجتمع لو أديتوا رسالتكم الحقيقيه

ليه عايزه تعملي دور مش دورك ؟

ليه عايزه تبقي زي الرجاله ؟

خلي كل هدفك ان أسرتك تكون اسره صح

إختيارك لزوجك وتربيتك السليمه لأبنائك هيا أسمى هدف

دورك أهم دور في المجتمع

بس اعرفي دورك الأساسي ونفذيه

أنتي اللي بتصنعي الرجال الحقيقيين

عايزه تبقي مهندسه اوكي

بس مهندسه معماريه

مهندسة كمبيوتر

المجال اللي يحفظ لك انوثتك مش اللي يحولك بالتدريج لحد ما تبقي راجل

أنا خلصت كلامي

الناس اللي هتعلق بقى

من فضلكم بلاش استفزاز

اللي عايز يقول رأيه يتفضل

لكن اي هجوم من الولاد ع البنات دون وجه حق وبتعمد وهكذا من البنات ع الولاد

هأضطر امسح التعليق

وتذكر قبل ان تعلق قول الله تعالى

" ما يلفظ من قول إلا لديه رقيب عتيد "

-----

مصطفى أبوزيد- 16 أبريل 2009

حامدا الله تعالى ومصليا على نبينا محمد صلى الله عليه وسلم

ميكانيكا بتاعتنا .. مش بتاعتكم

إزيكم

رغم اني مكنتش ناوي اكتب اليومين دول

إلا ان في حدث حصل خلاني اجي اكتب مخصوص

وعلشان ما أقصدش حد معين بكلامي هنسمي الموضوع

وجهة النظر الضيقه

من يومين كان عندنا في قسم ميكانيكا اجتماع بين الدكاتره والطلبه

عشان يشوفو مشاكل الطلبه واقتراحاتهم

وبما اني في اخر سنه رحت بسلبيه محضرتش

امجد صاحبي حضر لانه لسه باقي له سنه

ولما رجع قاللي ان في بعض الإقتراحات صدرت من بعض الطالبات الاوائل

كان من ضمنها انهم عايزين يلغوا نسبة النجاح اللي هيا 50 في الميه

ومن ضمنها كمان ان محدش يدخل ميكانيكا غير اللي جايب جيد في بعض مواد معينه لها علاقه بميكانيكا

انا سمعت كده والعفاريت ركبتني

وجهة نظر تفتقر لاي خبره او درايه

سامحوني لكن دي الحقيه

أيها الساده الاوائل

إسمعوا و اعو

لو سألنا واحد في كلية صيدله مثلا ملوش علاقه بهندسه

وقلناله ايه اللي يميز مهندس ميكانيكا عن التاني؟

هيجاوب بثقه .. الخبره العمليه وتأكدوا مش هيقول التقدير

مهندس الميكانيكا يا ساده مش هيقعد على مكتب يمضي ورق

لأ .. مهندس الميكانيكا شغله كله عملي

مش نظري

لو حضراتكم بتجيبوا امتياز

أتحداكم على ملأ من الناس انكم تعملو ربع الشغل العملي اللي بيعملو طالب

من طلاب اولى ميكانيكا اللي في مشروع روبوكون

الطلبه دي اخرها مقبول

روحوا اقفوا جنبهم واتعلموا منهم

مش عشان انتو شاطرين في النظري يبقى الدنيا تمشي بوجهة نظركم

انا مكنتش ناوي اتكلم في الموضوع ده

لكن انا كان لازم ادافع عن وجهة نظري

طبعا انا من اهل المقابيل وعمري حتى ما جبت جيد

ومش هأزكي نفسي واقول انا بعمل واعمل واعمل

لكن هأرجع واقول شوفو طلبة اولى بيعملو ايه

الناس اللي أسست مشروع روبوكون في ميكانيكا اسيوط

من 3 سنين

وهو اكبر مشروع عملي على الاطلاق في الكليه

كنا كلنا ساعتها شايلين مواد واللي ناجح ناجح بالعافيه

طبعا الجماعه الاوائل مش فاضييين من المذاكره عشان يدخلو المدونه ويقروا كلامي

لكن اكيد في ناس يعرفوهم هايدخلو ويقروا

ابقو خلوهم يزورونا لمره واحده ويقروا الكلمتين دول

انا آسف لو كنت متحامل وعصبي في الكلام

لكن لحد شغلنا وخبرتنا ومجالنا ومحدش يتكلم

كله يلزم حدوده ويعرف امكانياته واخر قدراته

وعلى رأي الشاعر الللي بيقول

وكم من واهم في الارض يحبو .... ويحسب أنه بلغ العنانا

إنتهى الكلام

سلام

الاثنين - 13 ابريل 2009

-----

تنويه هام جدا

--------------------------

بعد رد احدى الزائرات ودفاعها المستميت عن البنات

أولا : الكلام هناعلى ميكانيكا اسيوط فقط مش اي قسم في اي جامعه

ثانيا : الكلام موجهه للطلبه الاوائل سواء كانوا بنات او ولاد

سيرة البنات جت هنا لانهم اللي اقترحوا الاقتراحات التعبانه دي

ثالثا : في ناس اوائل أثبتوا جدارتهم في العملي في ميكانيكا اسيوط

على رأسهم المهندس أحمد سعد والمهندس عبد الخالق

أما الطالب الاول الوحيد حاليا اللي ان شايفه بيشتغل عملي

هو جمال عبدالناصر بتاع تالته ميكاترونكس بس مفيش غيره

خلاص فهمتوا التنويه ؟

سلام

الصراحه راحه

الصراحه راحهأعتقد ده افضل عنوان للموضوع اللي هجاوب فيه على أسئلتكم

---
وأنا هبدأ بسؤال رامي صاحبي في الدفعه

س: هتستفاد إيه من ده كله ؟

جـ : بص يا حج رامي بالنسبه للمدونه هي تعتبر بالنسبه لي منفذ كبير بأطلع فيه اللي جوايا

في نوعيه من الناس متقدرش تكتم في نفسها ولو كتمت بتنفجر فجأه وتكون العواقب سيئه

أنا واحد من الناس دي

لازم أتكلم

لو سكت ممكن افضل ساكت وفي الآخر أعمل مصيبه

وبصراحه يا ابورامي انا بدأت أكتب بكثافه شديده من بعد الناس اللي كنت بأفضفض معاهم مبقوش جنبي

وعلى رأسهم أختي اللي تزوجت في القاهره والمهندس أحمد سعد اللي رحل لروسيا

دول اكتر اتنين كنت بأفضفضلهم

دلوقت هأفضفض فين غير في المدونه

قشطه ؟

-----
الفراشه كان ليها نصيب الأسد من الأسئله

س: ايه اكتر حاجه كان نفسك تحققها و محصلتش؟

جـ : مش حاجه واحده بصراحه بس طالما انك قولتي أكتر حاجه كان نفسي اعملها

يبقى العمره – أنا كان نفسي أعمل عمره وأنا طالب وبالذات الصيف اللي فات

لكن ربنا لسه ما أردتش

أسأل الله أن يرزقني العمره والحج
-----

س: ايه اللى بتفكر انك تحققه دلوقتى فى الدراسه وبره الدراسه؟

جـ : بالنسبه للدراسه أنا مركز جدا إني أجيب إمتياز في مشروع التخرج

لأن هو المقياس لدراستي وخبرتي في الشغل العملي

بالنسبه لبره الدراسه مش فاهم حاليا ولا بعد الدراسه

لكن حاليا بره الدراسه إن شاء الله بأسعى للإرتباط وربنا يسهل ودعواتكم جميعا

بعد الدراسه فيه سؤال جاي بالمعنى ده

----
س: ايه اكتر حاجه بضايقك؟

جـ : أكتر حاجه بتضايقني بجد لما محدش يثق في كلامي

بالذات لأني مبعرفش أكدب وصريح فعدم الثقه بيضايقني جدا

حاجه كمان بضايقني موت لما بشوف طفل صغير أو طفله بيشحت ولا يبيع مناديل

بأبقى عايز أبكي

وبقول حسبي الله ونعم الوكيل في اللي خلاك تعمل كده

كمان حاجه بتضايقني هي أخلاف لمواعيد لما حد يديني ميعاد ويخلفه بدون إعتذار قبلها باكون في قمة العصبيه

-----

س: الموقف اللى اثرت فى حياتك بسلبيه وايجابيه؟

جـ : أنا إجابتي غير تقليديه شويه لأن المواقف اللي أثرت في حياة بالسلب هيا الأحداث السعيده واللي أثرت بإيجابيه

هي الأحداث الحزينه والقاسيه

نبدأ بالسلبيه
حدث سعيد جدا وهو زواج أختي رغم سعادتي التي لا توصف إلا إني فقدت شخص كنت بأحكي معاه كل مشاكلي

السلبيه إني مبقتش بقعد معاها كتير ولا بأحكيلها زي الأول وده سببلي لفتره كبيره ضغوط عصبيه شديده

وكنت حاسس بالوحده بشكل كبير

موقف سعيد أخر أثر في حياتي بسلبيه

هو سفر المهندس أحمد سعد لروسيا علشان يحضر الدكتوراه

كنت في قمة السعاده أنه خلاص مسافر علشان الدكتوراه

لكن أنا فقدت أغلى شخص بالنسبه ليا في الكليه

مكنش بالنسبه ليا معيد

كان أخ كبير وصديق وصاحب

والناس القريبه مني تعرف كده

سفره في بداية السنه كانت نتيجته بالنسبه ليا تخبط وهرجله في حياتي

وحتى الآن لازلت أعاني من غيابه بشده

اما للمواقف اللي أثرت بإيجابيه

فهي مواقف محزنه جدا

هي وفاة إتنين من أغلى الناس عندي صاحبي وبعده ابن عمتي وأعمارهم كانت لا تتجاوز ال 23 عاما

في سنتين متتاليتين

بداية اولى ميكانيكا وبداية تانيه ميكانيكا

رغم الصدمات القويه حينها إلا إنها تركت في النهايه أثر إيجابي

وعلمتني إن الدنيا لاتستحق أي صراعات أو أحزان أو زعل

و ان رضا الله هي الحياه الحقيقيه

كده أسئلتك يا فراشه خلصت
-------

سؤال محير مصطفى جابر من زماااان وانا عارف كده

س: إيه السر انك مبتزاكرش عشان تقدير وبتزاكر عشان النجاح فقط؟

ج: أسكت يا مصطفى مش انا طلعت عيان؟؟

ايوه انا عندي مرض اسمه تعدد الهوايات

بجانب حبي للهندسه عندك يا سيدي التأليف والكتابه والقراءات الأدبيه والشغف بكرة القدم

الرياضه عموما مش بس الكوره لأ كمان الطايره واليد والسله والتنس

لو ركزت في الدراسه بس يبقى شكرا على كل الهوايات

ده انا كمان كان زماني معملتش المدونه

كان لازم اعمل توازن بين هواياتي ودراستي

إضافه كمان إني لازالت عندي قناعه تامه ان الشغل مش بالتقدير

بل بإتقان العمل وسأظل مقتنع بكده

وانت عارف طبعا ان في ناس بتجيب امتيازات

وما تعرفش تعمل ربع الشغل العملي اللي بيعمله واحد بيجيب مقبول او حتى عايد السنه

مش عارف هتقتنع بالاجابه ولا لا بس دي الحقيقه

الزائره صاحبة لقب الحزينه بتسأل

-------

س:إيه اكتر موقف ضايقك أو كان محرج في حياتك؟

ج : أكتر موقف ضايقني مش هأقدر أقوله لأنه بيتعلق بشخص عزيز عليا جدا

وده طبعا لا يقع تحت نطاق الصراحه لأنه يخص شخص آخر

أكتر موقف كان محرج

طبعا طبعا أنك تركب مواصله عربيه يعني

وتفاجئ انك نسيت كل فلوسك في البيت

إحراج إحراج يعني

بس ربنا ستر وكان في ناس اعرفها في العربيه

بس احراج فظيع برضه

المهندس عبدالخالق من اليابان بيسأل

-------

س: ايه اللي حصل في شعبة ميكاترونيكس خلاني أكتب الكلام اللي انا كاتبه؟

ج: بص يا باشمهندس في اغنيه كانت بتقول " عواد باع ارضه يا ولاد شوفو طوله وعرضه يا ولاد

هوه ده اللي حصل بالظبط

طبعا لأن الموضوع يتعلق بناس يهموك ويعزو عليك هأبقى أحكيلك ع الايميل في اقرب فرصه

بدل ما نقعد نسيح لبعض

ملحوظه للقراء : "الصراحه في هذا الموقف لا تعني ذكر أسرار تخص آخرين

"لذلك الاجابه ستوجه للمهندس عبدالخالق فقط "

سؤال من داليا

-------

س : انا عايزة اسأل سؤال ايه أحلى مناسبة حصلت فى حياتك ....غير دخولك كلية الهندسة ؟

ج: طبعا توقع خاطئ انك تعتقدي ان دخول هندسه هو اسعد حاجه في حياتي

لكن الحقيقه افضل لحظاتي السعيده كانت لا تتعلق بيا وانما تتعلق بناس غاليين عليا

اولا: لما اخويا حسام رزق ببنته منة الله

ثانيا: لما اختي رزقت ببنتها رنا

ثالثا : لما علاء اخويا نجح في سادسه طب -هو حاليا في امتياز

رابعا : زواج المهندس أحمد سعد

ربما ستكون اللحظه الأسعد في حياتي هي التخرج من هندسة أسيوط

ربنا يسهل

---س: أنت كاتب و تلك الايام على مين ؟

ج : ليست لشخص بعينه وانما لكل من حسبوا ان المراكز تدوم و نسوا يوما سيلقون فيه الله

---
سؤال من حبيب قلبي الصواف

س: ماهو سر إعجابك وشغفك بأغاني محمد منير دونا عن كل المطربين؟

ج : طبعا يا صواف انت راجل عندك حس موسيقي عالي جدا

لما بسمع منير يغني وكأن النيل يغني

كلامه فلسفي لأبعد الحدود

لو فرحان تسمعه لو هتموت من الحزن برضه تسمعه

-----

سؤال من احمد حموده بيسأل

س: إيه طموحاتك بعد الكليه ؟

ج : بص يا ابو حميد

بعد الكليه ان شاء الله اطمح اني الاقي شغل كويس في مجالي

وبمجرد حدوث كده ان شاء الله يكون في ارتباط رسمي

اسعى دائما للإستقرار

بالنسبه للأولاد – ولادي يعني - طموحي انهم كلهم يحفظوا القران

في النهايه طموحي حياة هادئه مستقره محترمه

زوجه صالحه

أبناء صالحين

يقول النبي - صلى الله عليه وسلم

" إذا مات ابن آدم انقطع عمله إلا من ثلاثة : علم ينتفع به وصدقة جاريه و ولد صالح يدعو له "

----

س: ليه اسم المدونه تحت الياسمينه ؟

يا ترى عايش قصة حب دلوقتى؟

ج: إسم المدونه تحت الياسمينه

لأنها بتديني احساس بالذكريات

فيها شيء من الرومانسيه

هدوء الإسم بيتوافق مع كتاباتي

عادي يعني

أما إذا كنت عايش قصة حب دلوقتي

الاجابه [ لأ ]

----

س: من هو مصطفى ابو زيد من وجه نظر من حوله؟

من هو مصطفى ابوزيد من رأيه الشخصى؟

ج: بالنسبه من وجهة نظر من حولي فأنا لا أملك إجابه

ربما يجيبك من حولي فهذا رأيهم

ولكني لا أملك الا ان اقول اني لم اصاحب أحد يوما من اجل اي مصلحه

وانما كانت دائما صداقاتي خالصه لله

اما من انا في رأي الشخصي

فأعتذر لصاحب السؤال

لأني لم اتعود ان أثني على نفسي ولا أزكي نفسي أبدا

أسأل الله أن يسترني فوق الارض وتحت الارض ويوم العرض عليه

----

آخر سؤال

سؤال مشترك بين احمد حموده والحزينه واخرين ارسلوه على الايميل

ي: ما هي مواصفات الانسانه اللي انت عاوز ترتبط بيها؟

ج: مش محتاج طبعا اقول انها لازم تكون متدينه

ده شيء اساسي

بعد كده

هاديه وطيبه وذكيه

مؤدبه وطموحه ومثقفه

تملك هدف في الحياه

مش عايشه وخلاص

طبعا تكون رومانسيه حبتين

تقف جنبي في الحلوه والمره

تستحملني

تحتوي كل مشاعري

تحتوي هدوئي وثورتي

كلامي وصمتي

دموعي وضحكي

وتكون كما قال النبي

" إذا نظرت إليها أسرّتك وإن غبت عنها حفظتك "

___________

كده كل الاسئله خلصت

انا جاوبت بكل صراحه

اي حد له تعليق اهلا وسهلا

اي حد له سؤال تاني

يبعتو على الايميل

z_elhafy@yahoo.com

لاني مش هجاوب على اسئله هنا تاني

سلااااااااااااااااام

مصطفى أبوزيد

الأحد - 8/3/2009

الحدود الجغرافيه والسيره الهلاليه

الحدود الجغرافيه والسيره الهلاليه

اهلا بيكم
كل سنه وانتم طيبين النهارده الوقفه
وبكره العيد
طبعا التهنئه دي مش موجه لكل الناس .. لا دي موجهه للناس اللي عندها العيد بكره
محدش يستغرب وخلونا نخش في الموضوع
الموضوع اسمه

" الحدود الجغرافيه والسيره الهلاليه"
وطبعا الموضوع ملهوش اي علاقه بأبوزيد الهلالي من قريب او من بعيد

:

:
الحكايه ان العيد في كل الدول العربيه يوم الاثنين 8 ديسمبر 2008
ماعدا سلطنة عمان
تخيلو .. ؟

زمان لما كنا بنختلف في عيد الفطر كنا بنقول ماشي الرؤيه كده

وفي النهايه كده كده بنعيد الضحيه مع بعض
علشان وقفة عرفه لازم تكون واحده في كل العالم الاسلامي
لكن تفاجئت ان العيد في عمان يوم الثلاثاء
تهريج والله

:

:
تعالو نشوف موضوع الحدود الجغرافيه ده
في رمضان اللي فات ليبيا صامت اول يوم الاحد ومصر وباقي الدول العربيه صامت الاثنين وعمان والامارات صامو الثلاثاء
تخيلو مصر وليبيا لازقين في بعض وكل واحد يصوم في يوم يعني اللي في السلوم ده لو الهلال في ليبيا ظهر مش المفروض اللي في السلوم يشوفه
طيب تخيلو لو كانت مصر وليبيا بلد واحده وده مستحيل سياسيا طبعا .. لكن تخيلو مش كنا لما نشوف الهلال في اي حته في مصر او في ليبيا كانو البلدين هيصوموا؟ ايوه الحدود اللي بين مصر وليبيا مكنتش هتكون موجوده صح؟ وكنا هنصوم كأننا بلد واحده

::

:
طيب سيبك من مصر وليبيا خليك في عمان والامارات

بلدين لازقين في بعض فرق ميكملش اتنين تلاته كيلو

والامارات تعيد الاضحى الاثنين وعمان التلات سبحان الله

:::

::

:
على فكره لو ملاحظين اني مش جايب اي وجهة نظر فقهيه ده مجرد تشغيل للدماغ في موضوع السيره الهلاليه

" اللي هوه الهلال يعني "
لو في يوم من الايام وده مستحيل يحصل مثلا كانت الدول العربيه بلد واحده وبرئيس واحد

" ابقو قابلوني لو حصل "
لو واحد شاف الهلال في جيبوتي مش كنا هنصوم في مصر طب لو واحد في جيبوتي ماشفهوش وشافه واحد في موريتانيا مش كنا هنصوم

::

للأسف الموضوع خرج من الأروقه الفقهيه ودخل في في اتجاهات سياسيه وطائفيه

وابسط مثال جناب السلطان قابوس اللي بكل بساطه اقر ان العيد التلات مخالفا لشريعه ربانيه هي وقفة عرفات اللي هيا يوم الاحد سبحان الله
وكل ده مخالفه للسعوديه وخلاص
محدش بقى يقعد يقوللي اين هيئة الافتاء السعوديه واين الأزهر واين المؤتمر الإسلامي
الكلام ده مبقيش يوكل عيش للأسف

::

:
انا شخصيا شايف ان الوحيد اللي يحددلنا ظهور الهلال من عدمه هو الكاتب والشاعر الكبير

" عبد الرحمن الابنودي "

لأنه هوه مجمع السيرة الهلاليه " و اكتر واحد عارف الهلال وحواراته

وسيبك بقى من الجهات الشرعيه والدينيه طالما ان 22 بلد عربي مش قادرين يلمو من بعض فلوس ويطلقو قمر صناعي يريحنا من وجع القلب ده
كفايه كده علشان دي ايام منفرجه ومش عايزين ننكد على بعض
يلا كل سنه وانتم طيبين

فأصبح من النادمين

بسم الله الرحمن الرحيم

::

:

أهلا بيكم

أنا كنت ناوي اكتب عن موقف طريف حصل لي في رمضان

أيام المدينة الجامعية

^^^

لــكن إستوقفتني آية في كتاب الله تعالى عندما كــان يقرأ الإمام في صلاة التراويح

يقول الله تعالى في سورة المائدة وهو يقص علينا حكاية إبني آدم عليه السلام _هابيل وقابيل _ وكيف أن الأخ قتل أخيه ثم فشل في دفن جسمانه

فبعث الله غرابا يبحث في الأرض ليريه كيف يواري سوأة أخيه قال يا ويلتى أعجزت أن أكون مثل هذا الغراب فأواري سوأة أخي فأصبح من النادمين

الآية

^^^

----------------

فأصبح من النادمين

---------

الندم .. هذا هو الذي إستوقفني في القصة كلها

ان النهاية كانت هي الندم وما أقسى النهاية عندما تكون ندماً

حسرة

ألم

^^^^

إن أبشع النهايات لأي قصة هي ان تكون ندماً

فالنهاية قد تكون فشلا ولــكن بدون ندم

أما الفشل والندم فهذه هي الطامة الكبرى

^^^

و الندم نوعان

لا تتعجب نعم هو نوعان

ندم بلا عودة

.

.

و ندم تتبعه عودة

:

:

عندما قتل هذا الأخ أخيه ثم ندم .. لم يجدي له الندم شيئا

بالعكس بل زاده حسرة وألم

:

فالأخ مات والندم لم يرجعه والندم أيضا لم يوقف جزاء الله

ففي الآية التي تلتها يقول الله تعالى

من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون

الآية

------------

مثل هذا كالمشركين عندما يواجههم الله بشركهم يوم القيامة كيف يكون حالهم

ندم

والم

وحسرة

وبكاء

ويتبرؤا منهم

ثم يقع عليهم حكم الله

النـــــــــار والعياذ بالله

فهذا ندم لا يجدي

:

:

:

أما النوع الثاني من الندم هو الندم الذي تتبعه عودة

وأيضا مع آدم عليه السلام عندما أسكنه الله وزوجه الجنة

وحذره الله تعالى من الشيطان وكيف أنه سيسعى لإخراجه من الجنة

يقول تعالى

فلا يخرجنكما منها فتشقى

ومع ذلك نجح إبليس قبح الله وجهه في خداع آدم عليه السلام

يقول الله تعالى

فعصى آدم ربه فغوى

ولكن ندم آدم عليه السلام اقترن بالاستغفار لله

فتاب الله عليه و أجتباه وهداه

ففي الاية التالية يقول تعالى

ثم اجتباه ربه فتاب عليه وهدى

^^^

والأمثلة في كتاب الله كثيرة على نوعي الندم

^^^

ولكن دعونا نعيش هذه الانواع في حياتنا

::

كم مرة انتهت بعض تجاربنا بالندم؟

:

:

وكيف كان هذا الندم؟

:

:

هل كان ندم وحسرة؟

ام ندم وعودة؟

::

^^^

على الصعيد الشخصي فقد انتهت تجارب كثيرة بالندم

لم يكن ندما على النهايات

وانما كان ندما على قرارات أتخذت ربما بتسرع و قلة خبرة

ولكن بفضل الله لم تتبع هذا الندم حسرة

^^^

موقف واحد كان ندما وحسرة

والسبب هو التباطؤ في اتخاذ قرار هام في حياتي

وعندما إتخذته كان قد فات الآوان

::

:

عندها فقط شعرت بالحسرة والألم ولازلت أشعر بهما

:

:

ولكن توقفت كثيرا أمام أسباب ارتكاب الأفعال التي تؤدي الى الندم

وجدت متهما واحدا هو أكثر الأسباب تأثيرا

ألا وهو

:::

::

:

التـــــــــردد

^^^^^^^^^

ولأني قد أطلت عليكم هذه المرة

فأعدكم أني سأتكلم عن التردد في تدوينة جديدة

^^^

إلى ذلك الحين أسأل الله تعالى أن يحفظكم

و أن يرزقنا القرارات الصائبة

وان يكفينا شر الندم

والسلام عليكم

:::

:

وكتبه

مصطفى أبوزيد

حامدا الله تعالى ومصليا على نبينا صلى الله عليه وسلم

ليلة الجمعة

12/9/2008