بسم الله الرحمن الرحيم
^^^
كل سنة وانتو طيبين
^^
كان نفسي اقولكم اشربوا حاجه
بس انتو عارفين الدنيا صيام بقى
^^^
تعالوا نكمل سلسلة المواقف اللي بدأناها
وبما اننا في رمضان خلونا نحكي مواقف رمضانيه
مواقف حصلتلي انا في رمضان
الموقف الأول
^^^
سحور سيء ... ضريبة الغباء
^^^
المكان : المدينة الجامعية بأسيوط
الزمان : أول رمضان 2005
إيه اللي حصل ..؟؟
^^^
الحكاية ان رمضان 2005 دي كانت تاني سنه ليا في الكلية
وكنت رايح اولى ميكانيكا
^^^
كل اصحابي قالوا انهم هيقضوا رمضان في البيت
انا بقى عملت عنتر زماني وقلت لأ
انا هقعد رمضان في المدينه
انا مش صغير وعلى الاقل استريح من تعب المواصلات
^^^
وفعلا
إنطلق أذان المغرب
صليت
وطبعا كنت نايم وصحيت على الأذان
لذلك ملحقتش اشتري فطار ومكنش قدامي الا فطار المدينه قمت أكلته وخلاص
شوية رز ناشفين عندهم السل
حتة لحمة كاوتش
وسائل أحمر تطفو عليه بعض الاجسام الغريبة
يقال عنه انه خضار
(:
المهم اقنعت نفسي اني فطرت ونزلت استلمت السحور
^^^
فول وعيش ومربى
وغطيت الفول بالعيش ونزلت اصلي التراويح
رجعت من الصلاة
^^
نمت
^^
صحيت الساعة 3 بالليل علشان اتسحر
ملحوظه انا كنت قاعد لوحدي في الليلة دي
قلت اقوم اسخن الفول
^^^
ولكن
^^
الصدمة
انا لما جبت الفول كان سخن وقمت بغبائي غطيته بالعيش
والطبيعي ان الفول يبوظ
^^^
وجزاءاً لغبائي العيش كمان باظ
):
الساعة 3 صباحا يعني مستحيل تطلع من البوابة
علشان تشتري أكل
^^
يعني كده فل أوي
مفيش بقى إلا المربى
وبالفعل أستصلحت ربع رغيف من العيش البايظ
وحطيت فيه المربى
واكاتهم على مضض
وشربت جالون ميه
ونمت
وصحيت الصبح الساعة 8 علشان انزل الكلية
لكن الجوع بقى
ما أنا يعتبر ما إتسحرتش
وبدل مأنزل الكلية
أخدت اول عربية و روحت البيت
ولما جه الفطار
كان الانتقام
^^
في النهاية تذكرت فيلم ايام السادات
^
لما الوزراء قدموا استقالة جماعية
^^
وهو قال المفروض يتحاكموا بتهمة الغباء السياسي
^^^^
انا المفروض كنت اتحاكم بتهمة الغباء الأكلي
حد في الدنيا يجيب الفول سخن ويغطيه بالعيش ؟؟
غباء
^^
ومن يومها وانا باقى الشهر كملته في البيت
ما عدا يوم واحد
وحصلي فيه موقف كوميدي جدا
^^^
هتعرفوه في البوست الجاي
^^
سلام
^^^^
إقرأ أيضا
وكتبه
مصطفى محمد ابوزيد
أول سبتمبر 2008
2 Comments
