حصريا ::: إفتح كتاب

إفتح كتاب :: من تأليفي

_______________

حصرياااااااااااااااا

القصيده التي تنتظرها الجماهير

بمناسبة بدء الدرسه في التيرم التاني

خلاص كل سنه وانتوا طيبين

السبت 14/2/2009

وإستكمالا لسلسلة النصائح اللي بدأتها في بداية التيرم الاول تحت عنوان

الخلاصه في الدراسه

الآن مع أغلى النصائح وهيه

" التحذير من المذاكره"

نبدأ على بركة الله

_________________

إفتح كتاب وإقفل كتاب

هينوبك إيه غير العذاب

__

إحضر سكاشن .. إكتب ولكن

هيفضل نجاحك ده حلم وسراااب

___

بعند الدكاتره .. وقرف المذاكره

هتسود عيشتك سواد الغراااب

____

دكاتره تجنن بتقعد تفنن

تحط امتحان ملهش جواااب

____

وواحد يقولك ده كان في المحاضره

وواحد يقولك ده جاي م الكتاب

___

سمعت النصيحه ؟ هأقولها صريحه

" بلاااش المذاكره وسيب الكتاب"

____

هتعملي شاطر .. وتقعد تذاكر

وتعملي فيها زينة الشباب

___

هتفشل .. وتتعب .. وتندم

وترجع تقولي بلاش العتاب

_______

ساعتها هأجيبك وأعاتبك وأقولك

" نصحتك يا صاحبي بلاش الكتاب "

____

نصحتك تكبر دماغك تطنش

نصحتك تسيب الكتاب في الدولاب

____

وحاول تقرب وتسأل مجرب

يقولك مذاكره تساوي اكتئاب

_____

ونفرض هتنجح .. تخيل هتفلح ؟

هتلقى البطاله على كل باااااب

______________________________

بس خلااااااااص

نتمنى تكون النصيحه وصلت

للإطلاع على موضوع النصائح الأاول بعنوان الخلاصه في الدراسه

أضغط هنا

وكتبه

مصطفى أبوزيد

ليلة الخميس 12/2/2009