إزيكم
حصاد عام مضى
مش اول عام تدويني .. لأ أنا بدون من 3 سنين
و مش حصاد سنه ميلاديه ولا سنه هجريه
ده حصاد عام تدويني دراسي
انا حسيت فعلا إني نضجت جدا في الكتابه والتأليف خلال السنه الدراسيه دي
بدأت في سبتمبر 2008 و انتهت في يوليو 2009
في الموضوع ده هناخد لفه على اهم المواضيع اللي كتبتها في السنه الجميله دي
يلا نبدأ
--
في 26 سبتمبر 2008 كانت البدايه مع موضوع الخلاصه في الدراسه
مجموعه من النصائح الشريره للطلبه الجداد
شريره شريره يعني
في 27 نوفمبر كان اول موضوع في سلسلة طلقات ذهبيه
السلسله اللي انا بحبها وبأعتز بيها جدا
دي كانت البدايه
ليلة راس السنه
كل سنه وانتو طيبين بس كان الوضع مختلف معايا
ذكريات سيئه تعالو نشوف اللي حصل
ذكريات فقريه .. في رأس السنه الميلاديه
بعدها بيومين - يوم 3/1/2009
طلعت كل وكالات الانباء في خبر عاجل
علشان تطمن الجماهير على صحتي
هع هع
جت الامتحانات بتاع التيرم الاول
وبعيد عنكم كانت حاجه مش تمام
نتيجه لكده كان لازم اتدخل وانزل بخطه جديده لحساب الدرجات
اعتقد هتعجب الناس الفشله اللي زيي
الصراحه راحه
ده كان عنوان الموضوع اللي نزل في 8 مارس
رديت فيه على اسئلة الزوار بكل صراحه بناء على اقتراح انا اقترحته عليهم
انهم يسألو اللي نفسهم فيه وانا اجاوب بصراحه
كان موضوع ظريف فضفضت فيه شويتين
تعالو نشوف الناس سألت في ايه
يوم 13 ابريل 2009
نزل الموضوع اللي بسببه كانت اكبر خناقه في المدونه بين الولاد والبنات
مكنش قصدي يتخانقو بس انا قلت رأيي في حاجه حصلت في القسم
الخناقه كانت سخنه لدرجة اني اضطريت اني اعمل رقابه ع التعليقات
خلينا نشوف
يوم 5 مايو رحبت بأوباما على طريقتي
في مكالمة تلفون هتلاقوها هنا
دي كانت أبرز المواضيع
طبعا ما اقدرش انسى سلسلة طلقات ذهبيه بأجزائها السته
هتلاقوها في البار ع اليمين
وطبعا القصايد والخواطر الشعريه اللي كتبتها
هتلاقوها برضه ع اليمين
واللي معظمها كان مكتوب لوحده انا لسه مش عارفها
كل المواضيع هتلاقوها ع اليمين
مبسوط جدا اني اتعرفت على ناس محترمين من المدونين
كل زياره وكل تعليق كانوا بيسعدوني
اتمنى أستمر ف التدوين
ويستمر التفاعل موجود
كل سنه وانتو طيبين
تقبلو تحياتي دائما
.jpg)
مصطفى أبوزيد - 23 يوليو 2009
7 Comments
