احم .. إحم
على فكره .. انا مكنتش مخطط اني اكتب حاجه اصلا
لكن اكتشفت اني انهارده عيد ميلادي
كل سنه و انا طيب
المفروض بيقولو كده .. بس انا اصلا عيد ميلادي زي اي يوم
مفيش مشاكل يعني
يمكن السنه اللي فاتت دي من ديسمبر 2008 حتى ديسمبر 2009
كان فيها حاجات حلوه كتير
زواج الباشمهندس احمد سعد .. زواج خالد اخويا
تخرجي من الكليه بفضل الله .. إعفاء من الجيش
لكن برضه كان فيها انكسارات
بحلوها و مرها عدت
اتمنى السنه دي تكون اجمل و احلى
هأدعوكم لقراية بوست كتبته في شهر مارس اتمنى احقق اللي كتبته فيه و إني اكون متفائل
__________________________________________________________________________________
عايز انتهز الفرصه كمان و أشكر كل الناس اللي وقفوا جنبي خلال فترة الكليه
اصحابي الطلبه و المعيدين - مش هذكر اسماءهم عشان كتير
كمان بأشكر كل المدونين اللي وقفوا جنبي و كانوا بينصحوني و يشجعوني و يشاركوني مشاكلي
ربنا يبارك فيكم و يكتب لكم الخير
أخيرا أتمنى دعواتكم الايام دي لأني محتاجها فعلا
يلا بقى سلام و نلتقي قريبا إن شاء الله
مصطفى أبوزيد - 12 ديسمبر 1987 - 2009
الناس اللي لسه عندها مشاكل في التعليقات ممكن تضيف تعليق من هنا
24 Comments
