أهلا يا حلوين
أولا .. أحب اقول لكل الناس اللي علقوا ع البوست اللي فات كل سنه و انتو طيبين
و أنا آسف مقدرتش أرد عليكم أول بأول لأني كنت مسافر
و الايام اللي كنت موجود فيها كان عندي مشاكل في النت
___________________________________________________
لازلت عند رأيي إن السلبيه هي سبب كل اللي إحنا فيه
و سكوتنا هو سبب ضعفنا
و مبقناش عايزين نتكلم و بقينا بنعشق السكوت
عشق السكوت - خاطره عاميه يارب تعجبكم
_____________________________________________
عشق السكوت
مليون سنه عايشين حكايه إسمها عشق السكوت
و لا حد عمره طلعله صوت
و اللي إعترض .. راح و إنقرض .. و إختفى في مليون تابوت
عشق السكوت .. حدوته بايخه بتتحكي
و لا عمر حد بيشتكي ..
الكل خايف صوته يطلع بره البيوت
لأن صوته لو طلع لازم يموت
أو يحبسوه و يعذبوه
أو يسألوه مليون سؤال .. وهيجبروه
و هيجبروه يعشق حكايه إسمها .. عشق السكوت
_____________________________________________________
أتمنى عجبكم
مصطفى أبوزيد - 9 يناير 2010
29 Comments
