طلقات ذهبية 3

طلقات ذهبية 3

السلام عليكم ورحمة الله

مصطفى ابوزيد يحييكم من اعلى نقطه في السكن بتاعه

لو انت قاعد في مدرجات اعدادي هتلاقي السكن على يمينك

ولو انت قاعد في مدرجات ميكانيكا هتلاقي السكن على شمالك

ولو انت نازل الكافيتريا هاتلي معاك 2 شاورمه فراخ

اعزائي المشاهدين حصريا من هنا هنقدملكم
طلقات ذهبية 3
خلونا نبدأ

__
(1)
رقم قياسي جديد لمصطفى في النتيجه
__
شوفتو النشره اللي ظهرت فيها نتيجتي
هيا كانت ظهرت من غير تقديرات
دلوقتي خلاص التقديرات ظهرت
و الحقيقه انا التيرم ده حققت رقم قياسي جديد
رقم قياسي والله العظيم كان نفسي احققه من زمان
كان نفسي اجيب نفس التقدير في كل المواد
طقم واحد
ولما كان تقدير المقبول هو الأقرب لقلبي
فإتحققت الامنيه
جبت 6 مقبول

والله كنت فرحان جدا لما عرفت
في ناس حاسه اني زعلان
يا جدعان والله العظيم انا فرحان جدا جدا جدا
والناس القريبه مني تعرف اني من وانا في اعدادي
الامتياز عندي زي المقبول
مفيش فرق
طبعا وانا في تانيه ميكانيكا حققت رقم قياسي جامد جدا
لما جبت 12 مقبول و ماده واحده امتياز
طول عمري بتاع الارقام القياسيه

_______________________
(2)
عندما يتوقف المكان على شخص واحد
======

هناك نوع من الرجال يقوم مقام مائة رجل
لا يكل ولا يمل
إذا غاب عن المكان تشعر بوجوده
يحدث أضطراب فتبحث عن السبب لتعلم ان هذا الشخص قد غاب عنه
دعونا نتكلم بصراحه
المهندس أحمد سعد علي
المدرس المساعد بقسم الهندسه الميكانيكيه
تحدثنا عنه في الطلقات السابقه
وذكرنا فضله على كل طلاب القسم
و قلنا انه الان في روسيا ليحضر الدكتوراه
ولكن دعونا نتحدث عن تأثير غيابه
انقلاب كامل في شعبة الميكاترونيات
هرجله وتخبط .. هرج ومرج
مع كل الاحترام لجميع من يقومون على الشعبة
كلكم عجزتم عن تعويض غياب رجل واحد
رجل فشلتم ان تغطوا غيابه
فجوه كبيره بين عقول الطلاب واهتماماتكم
لا تظنوا اني اهاجم فرقة من المعيدين
ولكن هي الحقيقه
إذا كنتم تعتقدوا ان طلاب ميكاترونيات قد ساءوا الأدب
فلتعلموا انكم فشلتم في دوركم
فشلتم حتى ان تعترفوا بأخطائكم
اجمعتم على أن الطلاب مخطئين و نسيتم أخطائكم
إذا كنا نحن مخطئون فأنتم لستم ملائكه
وإسألوا أنفسكم سؤالا واحدا
لماذا في وجود المهندس أحمد سعد
لم نسمع يوما عن مشكله؟؟
لم نتحدث مره عن معضله ؟؟
عذرا .. فلتجيبوا على أنفسكم

_____________________

(3)
" وتلك الأيام "

==========
كان يخرج من بيته منتفشا كالطاووس
يشعر وكأن منصبه المرموق تاج فوق راسه
بذور الشيطان التي في قلبه
جعلته يضع نفسه في مكان يعتلي فيه الناس
يشعر وكأنه مخلوق من نور
و كأنه أفضل من يمشي على الأرض
لا يوقر كبيرا ولا يرحم صغيرا

يعبث في الأرض كيفما يشاء

ويظل هكذا
حتى إذا زال منصبه
وقلت حيلته وإنحسرت قدرته
قصقص ريش الطاووس
وسقط التاج
وانطفأ النور
و اختفت السطوه و انتهت الفتره
جلس في بيته يخشى حتى أن يراه الناس
يخشى ان يمشي على الأرض
وتمنى حينها لو أنه مات وهو طاووس
ولكن هيهات .. هيهات
" وتلك الايام نداولها بين الناس"

_________________________
(4)

حصريا لأول مره في التاريخ
أنت تسال ومصطفى يجيب
======
فاكرين اللعبه اللي شويه كانوا يعملوا دايره ويلفوا إزازه
ولما تقع على واحد يسألوه أسئله ويجاوب بصراحه
أنا قررت ألعبها معاكم
اعتبروا ان كل الأزايز طلعت عليا
أنت تسأل وأنا أجيب
كل اللي نفسه في سؤال يسألوا
وفي خلال اسبوع هنلم كل الاسئله وهتنزل في موضوع مخصوص بالإجابه
وده طبعا من دافع التواصل مع الجماهير
إسألوا بصراحه
ممكن تكتب اسمك او متكتبش
ممكن تكتب السؤال في تعليق
أو تبعته ع الإيميل
Z_elhafy@yahoo.com

_____________________________

مصطفى أبوزيد – 1/3/2009
Z_elhafy@yahoo.com