جوايا مشاعر

اهلا بيكم

اخباركم ؟

واضح ان موضوع الأسئله ده زنقني زنقه محترمه

بس ان شاء الله هتلاقوا صراحه في الاجابات

وعلى يوم الاحد ما يجي خلوني اسمعكم حاجه جديده

إسمها جوايا مشاعر

___________________________

جوايا مشاعر

--

جوايا مشاعر مختلفه .. مشاعر دايما ماشيه معايا

أحيانا خايف .. يمكن مطمن ؟ ..وساعات مش عارف ايه جوايا

يمكن مجروح أو مضايق وساعات مبسوط وساعات رايق

وساعات بأكون عصبي ومخنوق

وساعات هادي وطيب وخلوق

أحيانا ممكن تفهمني وساعات تتسرع تظلمني

وده مش ذنبي .... أصل أنا جوايا مشاعر

------
وساعات فايق ومركز وفي أي مصيبه أعدي و أفوت

وساعات من دوختي رنا بنت أختي تقدر تضربني يجي 100 شلووت

أوقات مش طايق أعيش في الدنيا وساعات مرعوب وخايف أموت

شخصيه غريبه .. شويه مريبه

وناس بتقولي أنت مصيبه

مش حاجه عجيبه ؟؟؟

لكن دي مشاعر

=======================================

مصطفى أبوزيد - 4/3/2009

----