طلقات ذهبيه 2

أهلا بيكم
منورين والله
ياترى الدراسه عامله فيكم ايه
ولا لسه هتعمل فينا ايه
النهارده هنرجع من جديد للطلقات الذهبيه طبعا فاكرين احنا قلنا ليه الطلقات دي ذهبيه
علشان مش اي حد اللي كاتبها
ده أنا اللي كاتبها
متواضع جدا أنا

من غير ما حد يشتم خلينا نبدأ على بركة الله

___________

طلقات ذهبيه 2

---------------------
(1)
الأماكن كلها مشتاقه لك

معامل هندسة الميكاترونيات مشتاقه لك
المدرجات كلها مشتاقه لك
معمل روبوكون مشتاق لك
الطلبه كلها مشتاقه لك
والله مصر كلها مشتاقه لك
هذه الكلمات موجهه للمهندس أحمد سعد
المدرس المساعد بقسم الهندسه الميكانيكيه
المتواجد في روسيا حاليا من اجل تحضير الدكنوراه

هذا الرجل له فضل على كل طلاب القسم
أربع شهور عدوا يا باشمهندس
وحشتنا – بحبك في الله

____

(2)

" مش كنت تعلمني العوم ؟ "

__
فاكرين طبعا الاغنيه
مش قبل ما ترميني في بحورك مش كنت تعلمني العوم؟
طبعا بعد سلسلة الامتحانات اللي ملهاش علاقه بالمناهج اللي كانت في التيرم الاول
على كل الفرق والله مش رابعه بس
كلنا نحب نهدي المقطع ده ليهم
( عارفين مين طبعا )
مش قبل ما ترميني في بحورك مش كنت تعلمني العوم
مش كنت تعلمني العووووووووم

وده طبعا ليه علاقه بجملة حماده حسين التاريخيه
اللي قالها في امتحان التيرم بتاع تصميم الماكينات تيرم اول سنه تانيه
بعد ما كان الامتحان غريب ومريب وعجيب
قال حماده بعلو حسه في اللجنه
" علمني العوم والنبي يا أحمد"
طبعا عارفين يقصد مين

________

( 3 )
" إوعو تقولو سابها .. نط الحيطه وجابها "

قمة الرومانسيه
مقطع رومانسي جدا من اغنيه
طبعا بعد ما محمد الصواف اتريق على الاغنيه دي في الفيس بوكس
وعدته اني هأشرحهاله
وبالمره تعرفوها انتو كمان
بصوا ياجماعه
إوعو تقولو سابها : ده اسلوب تحذير
بيحذرو فيه الناس انهم يقولوا انه ساب حبيبته
نط الحيطه وجابها : تعبير يدل على مدى التصميم والاصرار على الحصول عليها
لدرجة انه نط الحيطه علشان يجيبها

طبعا احنا مش عارفين لحد دلوقتي الحيطه دي كان ارتفاعها كام ولا ايه ظروفها
بس برضه ده ميمنعش ان الراجل ضحى
لو لسه محدش فهم الليله دي يبقى يقول وانا اشرحها تاني

_______

( 4 )
" أنت أناني يا مدحت .. طلقني "

قابلها مره
غمزلها .. غمزتله
ضحكلها .. ضحكتله
رنلها .. رنتله

قالها : تتجوزيني

قالتله :وماله
طلعوا ورقتين وكتبوا فيهم كلمتين
وقال كده اتجوزوا
قالتله :خلي معايا ورقه وانت ورقه
قالها : لع يا مرفت الورقتين يبقوا معايا
قالتله : انت أناني يا مدحت ... طلقني

قالها :حاضر وراح مقطع الورقتين
إخص عليك يا مدحت
__
حد فهم حاجه؟؟

____________________________

مصطفى ابوزيد – 16/2/2009