أي كلام فاضي

من نفس المكان

اهلا بكم

النهارده البوست ده ملوش اي لازمه

لاني بصراحه مش عارف اكتب ايه .. بس انا زهقان و عايز اتكلمـ

في الاول كل سنه و انتو طيبين .. و يارب تكونو بتصومو العشر الاوائل

و اللي مصمش يحاول يصوم الايام اللي باقيه

ثانيا :

تهنئه من القلب لأصدقائي و رفقاء دربي

محمد خليفه و محمد يحيى و محمد عبدالصبور و محمد جابر و اسلام خلف

و بلال احمد

لحصول على تأجيل من اداء الخدمه العسكريه و الوطنيه

ما تستغربوش اننا بنهني بعض على عدم خدمة الوطن

بس للأسف هي دي الحقيقه

الف مبروكـ يا شباب و يارب يوفقكم في حياتكم و يجمعنا دايما على الخير

________________________

ثالثا بقى انا مش هتكلم عن اي شيء يخص احداث مباراة الجزائر و ما تبعها من مشاكل

_________________

رابعا

انا كتبت قصايد جديده بس مرضتش انزل منها حاجه

لاني حاسس انكم زهقتو مني بصراحه

بس متخافوش البوست الجاي هرجع اقرفكم بشعري تاني

خامسا بقى .. مش عارف

_________________________________

النهارده قريت كلمه جميله لـ أنيس منصور في عموده مواقف في الاهرام

الحريه تاج على رأس كل اعزب لا يعرفه الا المتزوجون 

_______________________

في مباراة مصر و الجزائر في القاهره  و بعد احراز عماد متعب هدفه القاتل

قام وزير الصحه مشكورا بعناق السيد علاء و اخيه جمال مبارك و وزير الانتاج الحربي

عناقا طويلا من الفرحه متناسيا كل التحذيرات لتفادي انفلونزا الخنازير

و هو وزير الصحه

___________________________

انا مش لاقي كلام اقوله

بس اخيرا بأدعوكم لقراءة خاطره عاميه كاتبها من زمان اسمها جوايا مشاعر للي مقراهاش

بتاريخ 4 مارس 2009

جوايا مشــاعر

سلام بقى

نفس الشخص - تاريخ النهارده