صيدلية عصير الكتب 2 و 3

بسم الله الرحمن الرحيم

أولا أعتذر عن التأخير لكني كنت مشغول جدا و كان عندي مشاكل في النت

  أهلا بيكم و نكمل إن شاء الله مع برنامج عصير الكتب و فقرة الروشتة اللي بنحاول نوفرها هنا على قدر إستطاعتي

الموضوع اللي فات وفرنا جزء من روشتة الأبنودي اللي كانت في الحلقة الأولى

الأسبوع ده تمت إذاعة الحلقة الثالثة لذلك إن شاء الله في البوست ده

هنغطي الحلقتين الثانية و الثالثة علشان نبقى ماشيين مع البرنامج

نبدأ مع الحلقة الثانية

الروشتة في الحلقة التانية كانت من قبل الأستاذ الكبير أسامة أنور عكاشه

و إشتملت على 11 كتاب الحمد لله تم الحصول على 8 منهم و تعذر الحصول على 3

و الحقيقة روشتة الاستاذ أسامة كانت دسمة جدا

 و إحتوت على كتب مهمة للناس اللي بتحب البحث و النقد و الفلسفة و السياسة

و الناس اللي بتحب الروايات و الشعر مكنش ليهم نصيب كبير

نبدأ بالكتب اللي مش موجود

كتاب ثورة التنوير في الفلسفة العربية للدكتور عبد اللطيف العراقي

 و الكتاب الحقيقة صارت عليه ضجه كبيره كما هو حال كتب الفلسفة

الكتابين الآخرين اللي مش متوفرين برضه أولهم للأستاذ يوسف إدريس كتاب بعنوان فقر الفكر و فكر الفقر

من إصدار دار المستقبل العربي و هو كتاب رائع الصراحه و مفيد جدا من خلال متابعتي لأراء الناس عنه

و الكتاب الثالث اللي بأنصح أي حد بشراءه و قرايته كتاب الأستاذ محمود عوض " أفكار ضد الرصاص " و الكتاب

بيتكلم عن تجارب الأشخاص اللي تعرضت لإضهاد بسبب مبادئها و كتاب ممتع و شيق و مفيد

أنا إن شاء الله هدور عليه في السوق و إن لقيته هـ أنزله ع الكمبيوتر و أبقى أرفعهولكم

ندخل بقى على الكتب اللي متوفرة من روشتة الأستاذ أسامة أنور عكاشة

كتاب في الشعر الجاهلي للدكتور طه حسين و الكتاب صارت عليه ضجه لأنه غير كل مبادئ البحث في الشعر

كتاب مهم جدا للشيخ علي عبد الرازق إسمه الإسلام و أصول الحكم و لازم طبعا تكون ثارت حوله ضجه كبيرة

أيضا كتاب عبد الرحمن الكواكبي المفكر السوري " طبائع الإستبداد و مصارع الإستعباد "

 و الكتاب ممتع جدا و نظرة سياسية مهمة

كتاب الاستاذ أحمد بهاء الدين " ايام لها تاريخ " اللي بيوضح فيه ايام مهمة جدا في تاريخ مصر اللي الكل لازم يتوقف عنها

كمان كتابين للدكتور نصر حامد أبوزيد الأول فلسفة التأويل و التاني نقد الخطاب الديني

 و كتاب مهم للدكتور يونان لبيب رزق " مصر المدنية - فصول في النشأة و التطور " و هو كتاب إجتماعي سياسي مهم جدا

و نختم بكتاب الدكتور لويس عوض " مقدمة في فقه اللغة " اللي يعتبر للخاصة شويه

لكنه مهم بحسب رأي الأستاذ لكل باحث في اللغة و السياسة

روابط التحميل

كالعادة على موقع الميديا فاير

  

كتاب في الشعر الجاهلي للدكتور طه حسين

الإسلام و أصول الحكم للشيخ علي عبدالرازق

طبائع الإستبداد و مصارع الإستعباد لـ عبدالرحمن الكواكبي

ايام لها تاريخ - للأستاذ أحمد بهاء الدين

فلسفة التأويل للدكتور نصر حامد أبوزيد

نقد الخطاب الديني د. نصر حامد أبوزيد

مصر المدنية - فصول في النشأة و التطور

مقدمة في فقه اللغة

-----------------------------------------------

الحلقة الثالثة

الروشتة كانت للكاتبة الأستاذة صافيناز كاظم

و إسمحولي الوقت مش هيسمحلي أتكلم بالتفصيل عن الكتب

لكن هي إتكلمت على 10 كتاب عندي منهم 5 كتب

و الحقيقة كلهم رائعين كالعادة و إن كان أجملهم في اللي متوفر عندي

و دخلت الخيل الأزهر للاستاذ محمد جلال كشك اللي يعتبر سرد تاريخي ممتع للحملة الفرنسية على مصر

و بصراحة أدعوكل مهتم و بيحب يقرأ في التاريخ أنه يقراه 

و رواية ترانيم في ظل تمارا للكاتب محمد عفيفي رواية ممتعة

الكتب الأخرى المتوفرة عندي طفل من القرية للاستاذ سيد قطب

تاريخي بقلمي لـ نبوية موسى

العصر المماليكي في مصر لـ سعيد عاشور

روابط التحميل على الميديا فاير

و دخلت الخيل الأزهر

تاريخي بقلمي - نبوية موسى

طفل من القرية - سيد قطب

ترانيم على ظل تمارا - محمد عفيفي

المماليك في مصر - سعيد عاشور - جاري الرفع

آسف مرة أخرى على التأخير و إني متكلمتش بالتفصيل أكتر

أي طلبات أو إقتراحات في الردود او على ميل المدونة

abozied08@gmail.com

ملحوظة أخيرة : أنا غير مسئول عن المحتوى الفكري لأي كتاب او اي توجه لـ أي كاتب

يلا السلام عليكم - و دعوتكم

مصطفى ابوزيد