موضوع ملوش لازمه

بسم الله

ااه يا ابويا

إزيكم يا جماعه

قبل اي شيء إسمحولي أقدم كل الشكرر للي ردوا عليا في الموضوع اللي فات


 و أنا إتأخرت في الرد عليهم

و لو رديت عليهم دلوقتي محدش هيشوف الردود هناك

ما تخافوش متخافوش

هما 5 اشخاص بس .. اه 5 ردود لأن الموضوع كان جد

و ده حال التدوين اليومين دول

ممكن تعمل موضوع تحكيلنا فيه اللي حصلك و انت راكب الاتوبيس الصبح

و تلاقي الردود 100 رد و اكتر

إكتبلنا موضوع مفيد بقى حتى لو كان ساخر و دمه خفيف ..


سامحني مش هتلاقي اكتر من 10 ردود

تعقيب بسيط .. مخطئ من يعتقد اني كاتب الكلام ده علشان عايز حد يرد عليا

او علشان الاقي 500 تعليق

لا انا في موضوع لأنه فبراير أعود قلت في آخر الموضوع

هكتب حتى لو محدش قرا اللي كاتبه

يعني عادي لكن انا بقول كده لأن اللي شاف التدوين من سنتين كان شكله إيه

و شاف التدوين دلوقتي شكله هيعرف انا بقول ليه كده

المهم الاستاذ حازم النبراوي

يا استاذ حازم أنت من أكتر الناس اللي باعتز بيهم


و مستعد أبعتلك الروايه من هنا بس إبعتلي عنوانك ع الميل

منــار فايد

دكتوره منار - انتي قلتي كويس انك ما اشترتيش الروايه .. لا ياريتك كنتي جبتيها

بجد كنتي هتقريها اكتر من مرة رغم الألم اللي فيها

MaNoOoSH

شكرا يا منى بس برضه انصحك بقراية الروايه رغم المها برضه

أما بقى الزائرة الوحيدة اللي قرأت الرواية

جارة القمر

فعلا انا كنت كتير مش بأقدر اكمل قراية بس برضه كنت في أجزاء منها بأقرأها مرتين و أكتر

حقيقي الرواية بديعه لـ أقصى درجه

الزائر الخامس بقى غير معروف و بأتمناله يكون توفق في امتحاناته و قرأ الروايه

--------

طيب بما أن الموضوع لحد دلوقتي ملهوش لون محدد

إسمحولي كده نكمله دردشه

زي ما وضح انهرده احمد المسلماني في الطبعه الأولى حجم المأساه اللي في تشيلي بعد الزلزال المدمر

أنا متعاطف جدا معاهم لأنهم بشر و أخوه في الإنسانيه

و الحمد لله ان منطقتنا آمنه و ربنا حفظها من الكوارث

تشيلي في أمريكا الجنوبيه القاره اللي أنا بأحبها جدا


لأنهم كلهم ( القارة يعني ) مناضلين من الدرجة الاولى

نختم بقى بحاجة مثيرة للجدل

و لا بلاش بلا جدل بلا بتاع

يلا مع السلامة

و كمان يومين  هنكتب موضوع بقى من مواضيعي اللي كلكم بتحبوها هع

متواضع أنا

هع هع

سي يو