عيدكم مبارك و شوية كلام

بسم الله

أصحابي الحلوين .. المدونين و غير المدونين ..

كل سنة و انتو طيبين و عيد سعيد ع الجميع

رمضان خلص .. كان وقت صعب عليا جدا

لأنه اول رمضان ليه أكون عايش لوحدي بشكل كامل

محستش بطعمه .. يلا ربنا يآنس و حدتنا

أحب أشكر كل اللي وقفوا جنبي في القاهرة .. ع الأخص إسلام حسن

و ع الأخص الأخص رفيق الدرب و صديقي و حبيبي أحمد نور الدين

بجد أحمد كان سبب اني استحملت الفترة اللي فاتت دي

أنتهز الفرصه و أهنيه بخطوبته ربنا يكرمه و يجمع بينه هو و خطيبته على خير

في خلال رمضان احسن حدث حصل هو زيارتي لمستشفى أبوالريش مع المدونين

بجد ربنا يجازيهم خير انا اتشرفت بيهم كلهم واحد واحد و واحدة واحدة

أخيرا أعتذار لكل أصحابي حبايبي اللي كنت مختفي عنهم

على رأسهم مصطفى جابر و الله يا إخوانا انا كنت مختفي لاني كنت مضايق

و أنا محبش أضايقكم معايا

مش معنى أني مش باتصل بيكم ان العشرة هانت عليا

أنا بحبكم كلكم في الله

و الحب في الله لا يزيد بالود و لا يقل بالجفاء

يعني البعد مش بيخلي العلاقة جافة أبدا ده بيزود الشوق ليكم

لان الحب في الاصل لله

ربنا يخليكوا ليا و ما تزعلوش مني

كل سنة و أنتو طيبين

سلام