انا كتبت 3 مواضيع و مسحتهم لأني مش عارف أعبر عن اللي جوايا ، كلهم كانوا عن بابا و أد إيه واحشني و نفسي أشوفه و أتكلم معاه .
أنا مش هشرح أد ايه يا بابا انت وحشتني و نفسي اشوفك و اسمع نصايحك لأن الكلام مش هيوصف جزء من الحقيقة بس إمبارح يا بابا كان نفسي اتصل بيك و أقلك انا عملت ايه في الشقة و للحظة كنت هطلع الموبايل و اتصل على رقمك بس فوقت و مسكت دموعي لاني كنت وسط الناس.
أنا مش عارف بكتب الكلام ده هنا ليه ، بس حاسس اني لو مكتبتش كده و فضفضت هيحصلي حاجة ، أنا يا بابا بعمل كل حاجة هنا لوحدي ، كل الحاجات اللي بعملها هنا أنت كنت هتبقى واقف معايا كتف بكتف فيها و مكنتش هتخليني حتى أعمل حاجة ، كان نفسي تحضر جوازي بس مليش حظ فيك ، الله يرحمك و يصبرني و يصبر إخواتي.
مصطفى | 28/6/2011
1 Comments
